Օդորակիչի ստանդարտ տեղադրման պայմանները
Օդորակիչի ստանդարտ տեղադրումն իրականացվում է մասնագետների կողմից՝ ապահովելով սարքի անվտանգ ամրացումը, ճիշտ միացումը և արդյունավետ աշխատանքի պատրաստումը։ Ծառայության արժեքը ներառում է անհրաժեշտ հիմնական մոնտաժային աշխատանքներն ու օգտագործվող ստանդարտ նյութերը։
Ստանդարտ տեղադրման ծառայությունը ներառում է
-
Արտաքին բլոկի անվտանգ տեղադրում և ամրացում շենքի արտաքին հատվածում՝ համապատասխան մոնտաժային հենակների կիրառմամբ։ Ներքին բլոկի տեղադրում նախապես ընտրված ամուր և հարթ մակերեսի վրա։
-
Հաղորդակցման գծերի անցկացման նպատակով մեկ տեխնիկական անցքի պատրաստում՝ մինչև 70 սմ հաստությամբ ոչ մոնոլիտ քարե պատի դեպքում։
-
Ներքին և արտաքին բլոկների միացման համար իրականացվում է մինչև 3 մետր երկարությամբ պղնձե խողովակների, ջերմամեկուսիչ նյութերի, միացման մալուխի և ջրահեռացման խողովակի տեղադրում, ինչպես նաև սարքի միացում էլեկտրական սնուցման ցանցին (մինչև 3 մետր)։
-
Տեղադրման ավարտից հետո իրականացվում է օդորակիչի փորձնական գործարկում, աշխատանքի ստուգում և հաճախորդին ներկայացվում են սարքի շահագործման հիմնական կանոնները։
Ուշադրություն․ Ստանդարտ տեղադրման ծառայությունը ներառում է միայն վերը նշված աշխատանքները։ Եթե տեղադրման ընթացքում անհրաժեշտ լինեն լրացուցիչ աշխատանքներ կամ ծառայություններ, որոնք ներառված չեն ստանդարտ փաթեթում, դրանք կկատարվեն հավելավճարով՝ համաձայն գործող գնացուցակի։