Apple Watch 11, թե՞ Apple Watch Ultra 3 . Համեմատություն

Apple Watch Ultra 3 և Apple Watch 11 սմարթ ժամացույցները նոր սերնդի ամենաքննարկվող մոդելներն են։ Առաջին հայացքից այս երկու մոդելը կարող են նման թվալ՝ նույն էկոհամակարգը, WatchOS 26 ՕՀ-ն, առողջության մոնիթորինգի նմանատիպ գործառույթները։ Մինչդեռ, գործնականում դրանք շատ տարբեր են։ Այս բլոգում ներկայացնում ենք երկու մոդելների առանձնահատկությունները, առանց մարքեթինգային ճչան խոսքերի, որպեսզի պարզ լինի՝ արժե՞, արդյոք, ավելի շատ գումար վճարել պրեմիում դասի Ultra 3 մոդելի համար։

Դիզայն

Apple Watch 11 ժամացույցն ունի կլոր, նրբագեղ պատյան՝ կոր էկրանով։ Կարող եք ընտրել 42 մմ և 46 մմ չափսով տարբերակը։ Առկա են ալյումինե և տիտանե մոդելներ։ Նկատի ունեցեք, որ 11-րդ սերիայի տիտանե տարբերակը հասանելի է միայն բջջային կապով (Cellular)։ Իսկ Ultra 3-ի համար այն գալիս է որպես միակ տարբերակ՝ բջջային կապով։ Պատյանի հաստությունը 9.7 մմ է, իսկ մոդելը կշռում է 29.3–41.7 գրամ։ Ստանդարտ, ամուր դիզայնը ներառում է մեկ բարձրախոս և միկրոֆոն։

Ultra 3-ն ավանդաբար ներկայացված է համեմատաբար ավելի մեծ, կոռոզիակայուն տիտանե պատյանով՝ 49 մմ անկյունագծով։ Այն պաշտպանված է MIL-STD 810H դիմացկունության ստանդարտով։ Ժամացույցը 14.4 մմ հաստություն ունի և կշռում է 61.4 գրամ։ Խելացի ժամացույցը հագեցած է երկու բարձրախոսով և եռակի միկրոֆոնային զանգվածով՝ քամուց պաշտպանությամբ։ Առկա է Action Button` արագ գործողությունների համար։

Արտադրողականություն

Երկու մոդելներն էլ աշխատում են  Apple S10 SIP չիպով և նույն WatchOS 26 օպերացիոն համակարգով, ինչը գրեթե նույնական է դարձնում երկու մոդլեների արտադրողականությունը։ Բայց, այս դեպքում տարբերությունը ոչ թե միջուկի աշխատանքի արագության, այլ էներգիայի կառավարման և առանձին գործառույթների իրականացման մեջ է։ Օրինակ, մարտկոցի աշխատանքը երկու մոդելներում տարբեր է։ 11 սերիայի մարտկոցն ապահովում է շուրջ 24 ժ․ աշխատունակություն, Low Power Mode-ով՝ մինչև 38 ժ․։ Watch Ultra 3-ի մարտկոցը ապահովում է սարքի ինքնավարություն մինչև 42 ժ․, Low Power Mode-ով՝ մինչև 72ժ․։ 

Էկրան

Watch 11-ում ներդրված է LTPO3 OLED էկրան՝ մինչև 2000 nits պայծառությամբ։ Սա բավարար է , հատկապես, արևոր պայմաններում տեսանելիության համար։ 

Պրեմիում դասի Watch Ultra 3-ը մրցում է LTPO3 OLED էկրանով՝ մինչև 3000 nits պայծառությամբ։ Համեմատաբար ավելի մեծ էկրանն ապահովում է նաև ցուցադրման ավելի մեծ տարածք գրաֆիկների, քարտեզների կամ ֆիթնես տվյալների համար։

Կապ

Երկու մոդելներն էլ ունեն GPS և 5G կապ ( 11 սերիան՝ որոշ մոդելներում, Ultra 3-ը՝ բոլոր մոդելներում), բայց Ultra 3 տարբերակն ունի Dual-Frequency GPS, որն ավելի ճշգրիտ է անտառներում, լեռներում կամ տրանսպորտով տեղաշարժվելիս։ Ultra 3-ն աջակցում է նաև SOS Via Satellite գործառույթին, ինչը նշանակում է, որ կարող եք աղետային ազդանշաններ և գտնվելու վայրի մաիսն հաղորդագրություններ ուղարկել նույնիսկ բջջային կապի բացակայության պայմաններում։ Սա հատկապես կարևոր է էքստրեմալ սպորտաձևերի սիրահարների համար, ովքեր սիրում են արշավներ, լեռնագնացություն․․․։ Այս տեսանկյունից Ultra 3-ը լիովին հարմար է որպես ֆիթնես ժամացույց ՝ շնորհիվ տարողունակ մարտկոցի, ավելի ճշգրիտ GPS-ի և սենսորների անընդհատ աշխատաքնի, հետևաբար, նաև ծանրաբեռնված մարզումների ընթացքում կայուն աշխատանքի շնորհիվ։ Ակտիվ կյանքի սիրահարների համար այս թեման ավելի խորացնենք․

Առողջություն և ֆիթնես

Երկու մոդելներն էլ ունեն սրտի զարկերի, արյան մեջ թթվածնի քանակի, քնի որակին հետևելու գործառույթներ։ Նաև ջրակայուն են, ինչն ավելի ակտիվ առօրյա է ապահովում։ 

Սերիա 11-ը մինչև 50մ․ ջրակայուն է: Թույլ է տալիս հանգիստ լողալ լողավազանում, գտնվել անձրևի տակ կամ լվացվելու ժամանակ չհանել ժամացույցը։ Բայց, պրոֆեսոինալ սուզման համար սա հարմար չէ․ կարող են անջատումներ առաջանալ։

Watch Ultra 3-ը դիմացկուն ժամացույց է, որը նախատեսված է էքստրեմալ սպորտաձևերի և մարտահրավերային պայմանների համար, որն առաջարկում է զգալի առավելություններ դիմացկունության և նավարկության մեջ: Այն նաև ջրակայուն է մինչև 100 մետր և կարող է դիմակայել 40 մետր խորությամբ սուզմանը (EN13319 հավաստագրված): Սա ապահովում է ոչ միայն լող, այլ նաև հիպերակտիվ շփում ջրի հետ։

Աքսեսուարներ

Սմարթ ժամացույցը ոչ միայն խելացի օգնական , այլ նաև ոճային աքսեսուար։ Երկու մոդելներն էլ ունեն սպորտային, նեյլոնե, տիտանե նորաոճ ժամացույցի գոտիներ։ Watch 11 մոդելների համար առկա են ավելի թեթև, նուրբ տարբերակներ՝ հարմարավետ ամենօրյա օգտագործման համար։ Ultra 3-ի համար  գոտիներն ավելի ամուր են, հատկապես հարմար են մարզումների և ջրային սպորտի համար։

Եզրակացություն

Watch 11-ը լավագույն ընտրություն է նրանց համար, ովքեր փնտրում են Apple սմարթ ժամացույց նրբագեղ դիզայնով, հարմարավետ չափսով և ֆիթնեսի և առողջության անհրաժեշտ գործառույթներով։

Watch Ultra 3-ը լավագույն ընտրություն է նրան համար, ովքեր պատրաստ են ավելի շատ գումար վճարել դիմացկունության, ավելի երկար ինքնավարության, սենսորների ավելի ճշգրիտ աշխատանքի համար։ Սա նաև գիտակցված ընտրություն է ապահովության և անվտանգության տեսանկյունից՝ հաշվի առնելով կապի յուրահատուկ հնարավորությունները։