Ինչպե՞ս ընտրել դրոն

Եթե պատրաստվում եք դրեն գնել, նախ, պետք է հստակ սահմանեք, թե ինչ նպատակի համար է այն անհրաժեշտ։ Օրինակ՝ սիրողական կամ պրոֆեսիոնալ գործունեության համար, որն էլ կորոշի այնպիսի առաջնահերթություններ, ինչպիսիք են տեսախցիկի որակը, թռիչքի տևողությունը, հեռահարությունը և այլն։ Այս հոդվածում ներկայացնում ենք այն ամենն, ինչը կօգնի ձեզ՝ գտնելու լավագույն դրոնը ձեզ համար։

Պատկերի որակն առաջնաներթ է

Ֆոտո կամ վիդեո նկարահանման որակի համար պատասխանատու են մի շարք գործոններ՝ տեսախցիկից մինչև եղանակային պայմաններ։ Բայց, եթե դուք բավարար չափով տեղեկացված լինեք և ճիշտ համադրեք տեխնիկական և եղանակային պայմանները, կստանաք ցանկալի արդյունք։

Սենսոր (матрица)

Կադրի որակն ուղղակիորեն կախված է տեսախցիկի սենսորից (матрица): Այն կլանում է ոսպնյակի միջով անցնող լույսը և այն վերածում է թվային ազդանշանի։ Լուսանկարների և տեսնայութերի լուծաչափը կախված է մատրիցայի չափից և որակից։ Որքան որակյալ է սենսորն, այնքան ավելի պարզ և պայծառ է պատկերը։ Այս կանոնը վերաբերում է նաև անօդաչու թռչող սարքերի տեսախցիկներին: 1 դյույմանոց սենսորը նոր «ոսկե ստանդարտն» է, որն օգտագործվում է առաջադեմ սպառողական անօդաչու թռչող սարքերում: 

Լուծաչափ

Ավելի բարձր լուծաչափը (չափվում է մեգապիքսելներով) նշանակում է ավելի մանրամասն պատկերներ։ Ժամանակակից անօդաչու թռչող սարքերի կողմից նկարահանվող տեսանյութի առավելագույն լուծաչափը կարող է տատանվել HD-ից մինչև 4K՝ կախված մոդելից։ Եթե նկարահանում եք Facebook-ի կամ Instagram-ի համար, և անհրաժեշտ է միայն պարզ խմբագրում և ֆիլտրերի կիրառում, ապա 1080p որակը կլինի ավելին, քան բավարար։ Այնուամենայնիվ, եթե դուք վիդեո բլոգեր եք կամ ցանկանում եք ստանալ կինեմատոգրաֆիկ որակի պատկեր, ապա լավագույն տարբերակ կլինի 4K լուծաչափը: Վերջնական նյութը կտրելիս, պտտելիս, կտրելիս և մասշտաբավորելիս տեսանյութի լուծաչափը անխուսափելիորեն կնվազի, և եթե բնօրինակը ունի 1080p որակ, վերջնական արդյունքը կարող է չհամապատասխանել բարձր սպասումներին և ժամանակակից չափանիշներին: 4K տեսանյութը տալիս է շատ թանկարժեք լրացուցիչ պիքսելներ, և սա աշխատանքի և ստեղծագործականության ավելի մեծ ազատություն է:

Դիաֆրագմա

Դրոն ընտրելիս, շատերն ուշադրություն են դարձնում միայն տեսախցիկի լուծաչափին, մինչդեռ դիաֆրագման ոչ պակաս կարևոր ցուցանիշ է։ Սա տեսախցիկի բացվածքն է, որ վերահսկում է ՝ որքան լույս է հասնում տեսախցիկին և ինչպես է ձևավորվում խորության սրությունը (background blur)։ Նշվում է f/թվով, օրինակ, f/2.8, f/4, f/11

• Փոքր թիվ (f/2.8, f/1.7). Լայն բացվածք, ավելի շատ լույս է մտնում և նկարահանումը լավ է, նույնիսկ, մթության պայմաններում։

• Մեծ թիվ (f/8, f/11). Նեղ բացվածք, ավելի քիչ լույս, բայց խորության ավելի մեծ սրություն(ավելի շատ օբյեկտներ կլինեն ֆոկուսում)։

Դիաֆրագմայի կարևորությունը նկատելի է տարբեեր պայմաններում նկարահանումների ժամանակ։ Օրինակ, մայրամուտին կամ գիշերը նկարահանելիս, բարձր դիաֆրագման թույլ է տալիս մաքուր կադրեր ստանալ, առանց բարձր ISO-ի (Տեսախցիկի պարամետր, որը կարգավորում է սենսորի նկատմամբ լույսի զգայունությունը)

Ավելի լայն դիաֆրագման թույլ է տալիս ստանալ գեղեցիկ ֆոկուսավորված պատկեր՝ մեղմ ֆոնով։ Փակ դիաֆրագման ավելի հստակ պատկերներ կապահովի լանդշաֆտի նկարահանումների համար։ 

Պրոֆեսոինալ աշխատանքի համար կարող եք դիտարկել փոփոխվող դիաֆրագմայով դրոններ։ Սա նշանակում է, որ կարող եք նկարահանելլ տարբեր պայմաններում, առանց ֆիլտրերը փոփոխելու։ Այս առումով հարմար տարբերակներ են, օրինակ DJI Mavic 3 Pro կամ 4 Pro մոդելները։

Թռիչքի տևողությունը

Դրոնների դեպքում թռիչքի տևողությունը տեխնիկական ամենակարևոր ցուցանիշներից է, որը պայմանավորված է մի շարք գործոններով․

Մարտկոցի հզորություն

Դրոնի քաշը և բեռը (թռիչքի ժամանակը կարելի է երկարացնել՝ չավելացնելով ավելրոդ պարագաներ կամ ծանրաքաժ տեսախցիկ)

Թռիչքի արագությունը և ռեժիմը (Որքան արագ է թռչում դրոնն, այնքան արագ է սպառվում մարտկոցը)

Արտակարգ պայմաններ (քամին, ցածր ջերմաստիճանը, բարձր խոնավությունը կարող են նվազեցնել թռիչքի ժամանակահատվածը)

Բազմաթիվ դրոններ ներառում են Fly More Comb փաթեթ։ Դա նշանակում է մեկից ավելի մարտկոցներ, պտուտակների հավաքածու և այլ պարագաներ, ինչը հնարավորություն է տալիս երկար թռիչքի, առանց կրկնակի լիցքավորման։ Օրինակ, DJI Mavic 4 Pro Combo Fly More փաթեթը՝ երեք մարտկոցով, կարող է ապահովել մոտ 120-150 րոպե շարունակական թռիչք։ 

Օդային կայունություն

Դրոնի կայունությունը որոշվում է նրանով, թե որքան լավ է այն դիմադրում քամուն, թրթռումներին։ Դրոնի ցանկացած չարտոնված շարժում հանգեցնում է կադրի մշուշոտմանը, անիմաստ է խոսել սրության և պարզության մասին։ Սա, իհարկե, կարևոր է ինչպես լուսանկարահանման, այնպես էլ վիդեո նկարահանման համար։

Կայուն կադրեր ստանալու համար ընտրեք մոդելներ, որոնցում առկա են 

Գիմբալներ (ապահովում է տեսախցիկի կայունությունը, եթե, անգամ, դրոնը թրթռում է)

Հիդրավլիկ կայունացուցիչներ (Նվազեցնում են թրթռումները և ապահովում են կայուն կադրեր)

GPS և սենսորային համակարգեր (Պահպանում է դրոնի դիրքն օդում, անկախ քամիներից կամ լուրջ թեքումներից)

Որոշ մոդելներում առկա է Obstacle avoidance գործառույթ, որով սարքը կարողանում է խուսափել ճակատային խոչընդոտներից և ապահովել կայունությունը։

Խոչընդոտների շրջանցում

Լավագույն դրոնը, հատկապես սկսնակների համար, պետք է ունենա խոչընդոտներից խուսափելու համակարգ: Օրինակ, DJI Mini 4 Pro-ն առաջարկում է խոչընդոտների բազմակողմանի հայտնաբերում՝ բոլոր ուղղություններով։

Այլ կարևոր անվտանգության առանձնահատկություններ, որոնց կարող եք ուշադրություն դարձնել դրոն ընտրելիս, ներառում են.

Վերադարձ դեպի տուն (RTH). Ավտոմատ կերպով վերահասցեագրում է դրոնը իր թռիչքի կետին, եթե մարտկոցը ցածր է կամ կառավարիչի ազդանշանը կորել է:

Գեո-ցանկապատում. Ստեղծում է վիրտուալ սահմաններ՝ կանխելով դրոնների թռիչքն արգելված տարածքներ, ինչպիսիք են օդանավակայանները։

Սկսնակի ռեժիմ. Սահմանափակում է դրոնի թռիչքի հեռավորությունը, արագությունը և բարձրությունը: Հիմնականում հանդիպում է DJI դրոններում:

RAW/DNG ձևաչափի աջակցություն

Եթե չեք պլանավորում լուսանկարներ մշակել Photoshop-ում կամ Lightroom-ում, կարող եք անտեսել այս կետը, բայց նման անհրաժեշտություն առաջանում է, գրեթե, յուրաքանչյուր ժամանակակից լուսանկարչի մոտ։ Եթե լուսանկարչության համար նախատեսված դրոնը աջակցում է RAW/DNG ձևաչափերին, ապա դուք հասանելիություն ունեք հետմշակման ավելի լայն ընտրանքների։ Այս ձևաչափերի առանձնահատկությունն այն է, որ պատկերը պարունակում է տեսախցիկի մատրիցից ստացված ողջ տեղեկատվությունը։ Սա հատկապես օգտակար է գիշերը նկարահանելիս։

Վերջաբան

Վստահ ենք, որ արդեն բավականին տեղեկացված եք դրոնների տեխնիկական առանձնահատկությունների մասին և կարող եք վստահ ընտրություն կատարել։ Դրոնների լավագույն տեսականին փնտրեք AllSell վաճառասրահներում՝ վաճառքի շահավետ պայմաններով։