Սմարթֆոններ երեխաների համար

Այսօր երեխաները մեծանում են թվային միջավայրում․ սմարթ հեռախոսը նրանց համար պարզապես խաղալիք չէ, այլ ուսման, հաղորդակցության և ինքնաարտահայտման գործիք։ Այդ պատճառով հեռախոսի ընտրությանը պետք է մոտենալ մտածված՝ հաշվի առնելով երեխայի տարիքը, հետաքրքրությունները և օգտագործման նպատակը։ Կարևոր է, որ սարքը լինի բավարար հզոր՝ կրթական հավելվածների, տեսազանգերի և խաղերի համար։ Բայց, երեխաների դեպքում միշտ կա ռիսկ, որ հեռախոսը կարող է ընկնել, վնասվել կամ, պարզապես, կորել։ Այդ պատճառով խորհուրդ է տրվում ընտրել գին/որակ լավագույն համադրությամբ, բյուջետային, բայց վստահելի մոդել։ Մենք արդեն կատարել ենք գործի կեսը՝ ընտրել ենք սմարթֆոններ, որոնք առավել հարմար են երեխաների համար՝ տեխնիկական հնարավորությունների և գնի շահավետ համադրությամբ։

Մինչ մոդելների ցանկին անցնելը,  ներկայացնենք այն հիմնական տեխնիկական չափանիշները, որոնցով առաջնորդվել ենք ընտրության հարցում։

Ինչի՞ն ուշադրություն դարձնել երեխայի համար սմարթֆոն ընտրելիս

Օպերատիվ և ներքին հիշողություն․ 4 ԳԲ օպերատիվ հիշողությունը և 64 ԳԲ ներքին պահեստն ապահովում են հեռախոսի արագ աշխատանք, թույլ են տալիս տեղադրել կրթական և ժամանցային հավելվածներ, պահել լուսանկարներ, տեսանյութեր և երաժշտություն, առանց սարքի ծանրաբեռնման։

Էկրան՝ աչքերի պաշտպանությամբ․ LED, IPS կամ AMOLED էկրան՝ առնվազն  60 Հց թարմացման հաճախականությամբ։ Նվազեցնում է աչքերի լարվածությունը՝ տեսողության վնասը կանխելու համար։

Տեսախցիկներ․ 10 ՄՊ արտաքին տեսախցիկը և 5 ՄՊ առջևի տեսախցիկը բավարար են լուսանկարների, տնային առաջադրանքների և տեսազանգերի համար։

Մարտկոցի հզորություն․ 4000 մԱժ և ավելի մարտկոցը երաշխավորում է, որ ձեր երեխան կապի մեջ կլինի, առանց մարտկոցը հաճախակի լիցքավորելու անհրաժեշտության։

Կայուն կապ․ 2G/4G հաճախականությունների լաջակցությունը կարևոր է, որ երեխան միշտ հասանելի լինի թե քաղաքում, թե քաղաքից դուրս։

Տարբեր գնային սահմաններ․ Ընտրանին ներառում է այնպիսի մոդլեներ, որ յուրաքանչյուր ծնող գտնի իր բյուջեին համապատասխան տարբերակ։

Լավագույն սմարթֆոնները երեխայի համար

Samsung Galaxy A15

Samsung Galaxy A15-ը հարմարավետ է երեխաների համար՝ շնորհիվ կլորացված եզրերի և ամուր կառուցվածքի: Մոդելն ունի քերծվածքներից պաշտպանված AMOLED էկրանիսկ հզոր պրոցեսորն ապահովում է հավելվածների և սոցիալական ցանցերի արագ աշխատանք: 4G LTE-Advanced-Ի շնորհիվ վիդեոներն ու էջերը բեռնվում են վայրկյանների ընթացքում: Սարքը նաև յուրահատուկ է ռեկորդային 120° տեսախցիկի դիտման անկյունով և բացառիկ մարտկոցի աշխատանքով․ մինչև 109 ժամ ինքնավարություն, ինչը մեծ առավելություն է երեխաների դեպքում։

Xiaomi Redmi Note 14 Pro 

6.67 դյույմանոց AMOLED էկրանը՝ HDR աջակցությամբ, ապահովում է պայծառ և հստակ պատկերներ, իսկ Gorilla Glass Victus 2-ը պաշտպանում է հարվածներից և քերծվածքներից: Redmi Note 14 Pro սմարթֆոնի 200 ՄՊ տեսախցիկը՝ օպտիկական պատկերի կայունացմամբ և 4x մեծացմամբ, թույլ է տալիս նկարահանել ցանկացած պայմաններում և հատկապես լավ է փոքր մանրամասները, օրինակ՝ տետրում գրառումները ֆիքսելու համար: 12 ԳԲ օպերատիվ և 256 ԳԲ ներքին հիշողությունը բավարար է թե դասերի և թե խաղերի համար։ Առկա է նաև մինչև 1 ՏԲ microSD քարտերի աջակցություն: 5,500 մԱժ մարտկոցը՝ 45 Վտ լիցքավորմամբ, ապահովում է երկարատև մարտկոցի աշխատանք և արագ լիցքավորվում է:

Xiaomi Redmi Note 14S

6.67" AMOLED էկրանը՝ 120 Հց թարմացման հաճախականությամբ, պատկերները դարձնում է շատ պայծառ և հարթ՝ հարմար թե՛ խաղերի, թե՛ ընթերցանության համար: Gorilla Glass 5-ը պաշտպանում է հարվածներից։ Note 14S մոդելի հիշողությունը համեմատելի է ենթաֆլագմանային սարքերի հետ՝ 12 ԳԲ օպերատիվ հիշողություն և 512 ԳԲ պահեստային տարածք, որը կարող է մինչև 1 ՏԲ ավելացնել microSD քարտի միջոցով: 200 ՄՊ տեսախցիկը՝ օպտիկական պատկերի կայունացմամբ, նկարահանում է սուր պատկերներ նույնիսկ շարժման ժամանակ և թույլ լուսավորության պայմաններում: 5,000 մԱժ մարտկոցը՝ 67 Վտ լիցքավորմամբ, բավարար է ամբողջ օրվա համար և լիցքավորվում է կես ժամում:

Samsung Galaxy A56

Samsung Galaxy A56 սմարթֆոնն ավելի դիմացկուն տարբերակ է՝ մետախական և ապակե կորպուսով, IP67 պաշտպանությամբ։ Ունի Super AMOLED էկրան՝ մինչև 1900 նիտ պայծառությամբ: Ութ միջուկանի Exynos 1580 պրոցեսորը կառավարում է հավելվածներն ու առցանց խաղերը՝ առանց նկատելի ուշացման: 50 + 12 + 5 ՄՊ տեսախցիկները տեսանյութեր են նկարահանում 4K լուծաչափով: 12 ՄՊ առջևի տեսախցիկը ֆլագմանական մակարդակի չէ, բայց բավարար է տեսազանգերի համար: 5000 մԱժ մարտկոցը կբավարարի մեկ օր ինտենսիվ օգտագործման դեպքում․ աջակցում է արագ լիցքավորմանը: 

Honor 200

Այս մոդելն առանձնանում է բարակ դիզայնով և ընդամենը 187գ․ քաշով։ 6.7 դյույմանոց AMOLED էկրանը՝ 2664 x 1200 պիքսել բարձր լուծաչափով, ապահովում է գույների աներևակայելի բնական վերարտադրությունն ու հակադրությունը: Honor 200 սմարթֆոնի արդյունավետությունն ապահովվում է դեռևս արդիական և հզոր Snapdragon 7 Gen 3 չիպսեթի շնորհիվ. ժամանակակից հավելվածներն ու խաղերը անթերի են աշխատում: 12 ԳԲ օպերատիվ հիշողությունը և 512 ԳԲ ներքին հիշողությունը ավելին քան բավարար են, բայց հիշեք, որ ներքին հիշողությունը հնարավոր չէ ընդլայնել: 5200 մԱժ մարտկոցը հեշտությամբ բավարարում է ակտիվ օգտագործման մեկ օրվա համար, իսկ 100 Վտ լիցքավորումը լիցքավորում է մարտկոցը րոպեների ընթացքում: Ընդամենը 187 գրամ քաշով, բարակ դիզայնը հարմար է գրպանում տեղավորվելու համար: