Samsung-ը ներկայացրեց նոր՝ Galaxy S26 սերունդը

Սամսունգը ներկայացրեց այդքան սպասված Galaxy S26 շարքը, որը ներառում է Galaxy S26, 26+ բազային մդելները և 26 Ultra Ֆլագմանը։ Թարմացումների շարքում «Գաղտնի ցուցադրություն» տեխնոլոգիան է, ավելի հզոր AI ալգորիթմներ և բարելավված տեսախցիկներ։ Յուրաքանչյուր մոդելի մասին մանրամասն՝ ստորև։

Galaxy S26 և Galaxy S26+

Բազային երկու մոդելները մինիմալիստական դիզայնով, գրեթե նույնական սմարթֆոններ են․ տարբերությունները հիմնականում վերաբերում են էկրանի չափին և մարտկոցին։ Տեսախցիկների բլոկը տեղափոխվել է ընդհանուր հարթակի վրա, ինչը հիշեցնում է Galaxy Z Fold մոդելի ոճը։ Այժմ օբյեկտիվները ամրացված են միասնական հարթակի վրա։ Կորպուսն ապակյա է՝ ալյումինե շրջանակով։ Samsung Galaxy S26 հիմնական մոդելն ունի 6.2-ից մինչև 6.3 դյույմ էկրան։ Galaxy S26+ նորույթն ունի 6.7 դյույմ էկրան։

Արտադրողականություն

Այս տարի Samsung-ը կրկին վստահել է սեփական արտադրության չիպին՝ ներկայացնելով աշխարհում առաջին 2 նմ Exynos 2600 պրոցեսորը (որոշ շուկաներում): Այս նոր սերնդի պրոցեսորը առաջարկում է էական առաջընթաց ոչ միայն հզորության, այլև էներգախնայողության առումով՝ ապահովելով ավելի երկար մարտկոցի կյանք՝ առանց սարքի կատարողականությունը կրճատելու:

Galaxy S26 և S26+ մոդելներն ապահովում են բարձր արագություն միաժամանակ մի քանի ծրագրով աշխատելու դեպքում, խաղերի ժամանակ՝ բարձր FPS (կադրեր վայրկյանում) , ինչպես նաև արագացված արհեստական ինտելեկտի գործառույթներ (AI), որոնք պատասխանատու են լուսանկարների բարելավման, ձայնային և տեսողական վերլուծությունների համար:

Samsung-ի բազային նորույթները նախատեսված են օգտվողների ամենօրյա գործողությունների, պրոֆեսիոնալ առաջադրանքների և ժամանցի համար՝ հավասարակշռելով հզորությունը, արդյունավետությունը և էներգախնայողությունը։

Էկրան

Բազային Galaxy S26 մոդելներում օգտագործված Full HD+ էկրանն առաջարկում է լավ հավասարակշռություն՝ պատկերների հստակության և մարտկոցի էներգախնայողության միջև: Էկրանն ունի վառ ու բնական գույներ, լավ կոնտրաստ և խորը սևեր, ինչն ապահովում է հաճելի դիտում ինչպես արևոտ օրերին, այնպես էլ նեղ լուսավորության պայմաններում:

S26 և S26+ սմարթֆոնների էկրանները նախագծված են այնպես, որ օգտվողին առաջարկեն գույնի ճշգրտություն, հարմարավետություն և էներգախնայողություն, առանց փոխզիջման կատարողականության կամ վիզուալ տպավորության վրա:

Տեսախցիկ

Galaxy S26 և S26+ մոդելներում տեսախցիկների համակարգը մնացել է գրեթե նույնը, ինչպես նախորդ սերունդներում՝ 50 ՄՊ հիմնական սենսոր, 10 ՄՊ 3x հեռաօբյեկտիվ և 12 ՄՊ գերլայն անկյունի օբյեկտիվ: Այս կոնֆիգուրացիան Samsung-ը առաջին անգամ կիրառեց Galaxy S22-ից սկսած, և այն արդեն ապացուցել է իր հզորությունը լուսանկարների և վիդեոների բարձր որակի ապահովման մեջ:

Այս տարվա փոփոխությունները հիմնականում ուղղված են օպտիկայի բարելավմանը և ծրագրային մշակման կատարելագործմանը: Նոր ալգորիթմները ապահովում են ավելի ճշգրիտ գունային փոխանցում, ավելի լավ մանրամասնություն թեթև լուսավորության պայմաններում և արագացված HDR գործընթաց, ինչը թույլ է տալիս նույնիսկ շարժվող օբյեկտները կլանել հստակ և վառ:

Մարտկոց

Galaxy S26 և S26+ մոդելները գալիս են 4300–4900 մԱԺ մարտկոցներով, արագ լարային և անլար լիցքավորումով, բայց MagSafe աջակցություն չունեն։

Ընդհանուր առմամբ, բազային մոդելները ստացել են չափավոր, բայց օգտակար թարմացումներ, որոնք ընդգծում են կատարողականի և էներգախնայողության բարելավումները։

Samsung Galaxy S26 Ultra

Նոր շարքի առաջատար Galaxy S26 Ultra ֆլագմանի դիզայնը, նախորդ սերնդի համեմատ, դարձել է ավելի հարմարավետ բռնելու համար՝ շնորհիվ կլորացված անկյունների։ Նորույթը նաև մի փոքր ավելի մեծ ու լայն է, բայց ավելի բարակ, քան նախորդ տարվա մոդելը։ Էկրանի չափը մնում է նույնը՝ 6.9 դյույմ։

Հետևի վահանակը նույնպես վերաձևավորվել է․ երեք օբյեկտիվները այժմ միավորված են ընդհանուր մոդուլում, իսկ չորրորդը՝ առանձին։ Ընկերությունը հրաժարվել է տիտանե շրջանակից և վերադարձել ալյումինե շրջանակին։ 

«Էկրանի գաղտնիություն» ․ ամենահետաքրքիր նորույթը

Galaxy S26 Ultra մոդելի ամենակարևոր նոր ֆունկցիան Privacy Display տեխնոլոգիան է՝ էկրանի տեսանելիության սահմանափակումը կողմնակի դիտողների համար։ Երբ համապատասխան ֆունկցիան միացված լինի, 45°-ից բարձր դիտման անկյան տակ էկրանը կմգանա։ Շատ կարևոր է, որ այն չի նվազեցնում պատկերի որակը և կարող է ցանկացած պահի միացվել կամ անջատվել։

Արտադրողականություն

Ultra մոդելը համալրված է Snapdragon 8 Elite Gen 5 for Galaxy (3 նմ) պրոցեսորով, որն ապահովում է զգալի աճ կատարողականության մեջ՝ +19% CPU, +24% GPU, +39% NPU։

Տեսախցիկ և AI հնարավորություններ

Galaxy S26 Ultra-ի տեսախցիկների համակարգը պահպանել է իր բարձրակարգ կոնֆիգուրացիան՝ 200 ՄՊ հիմնական սենսոր, 50 ՄՊ գերլայն, 10 ՄՊ (3x) հեռաօբյեկտիվ, 50 ՄՊ (5x) հեռաօբյեկտիվ։ Թվերը մնացել են անփոփոխ, բայց բարելավված կատարողականությունը թաքնված է մանրամասներում․ օպտիկան և դիաֆրագման վերամշակվել են, իսկ հիմնական առաջընթացը վերաբերում է ծրագրային մշակմանը։ Նոր՝ ProScaler 6 AI ալգորիթմը ապահովում է ավելի որակյալ մասշտաբավորում, բարձր մանրամասնություն և առավել բնական գունային փոխանցում։ ԱԲ-ն նաև օգնում է գիշերային նկարահանման, դիմանկարների և տեսանյութերի մշակման ընթացքում՝ ավտոմատ օպտիմիզացիայով։

Մարտկոց

Մարտկոցի տարողությունը մնում է 5000 մԱԺ, սակայն լիցքավորման հատվածում կա առաջընթաց․ 60 Վտ լարային լիցքավորում, 0–75% մոտ 30 րոպեում, Qi2.2 անլար լիցքավորում՝ մինչև 25 Վտ։

Գունապնակ

Galaxy S26 շարքը ներկայացված է միասնական գունային ընտրությամբ՝ սև, սպիտակ,  մանուշակագույն, կապույտ։ Սպասված նարնջագույն տարբերակը միայն ենթադրություն էր։

AI-ը ՝ հիմնական դերակատար

S26 շարքում արհեստական բանականությունը այլևս պարզապես հավելում չէ։ Այն ներգրավված է գրեթե բոլոր գործընթացներում՝

• լուսանկարների մշակման մեջ

• էներգախնայողության օպտիմիզացիայում

• հավելվածների աշխատանքի արագացման մեջ

• ֆոնային ռեսուրսների բաշխման մեջ

Սա նշանակում է, որ սարքը «սովորում է» օգտատիրոջ սովորությունները և աստիճանաբար դառնում ավելի արդյունավետ օգտատիրոջ օգտագործման սցենարներում։

Այսպիսով

Galaxy S26 շարքը նախորդ սերնդի գաղափարների շարունակությունն է՝ բարձր արտադրողականույթուն և արհեստական բանականության անդադար բարելավվող հնարավորություններ։ Նորույթը փաստում է,որ Samsung-ը փոխել է առաջնահերթությունները։ Եթե նախկինում շեշտը դրվում էր «ավելի մեծ թվերի» վրա, ապա այս տարի ուշադրությունը տեղափոխվել է օգտատիրոջ փորձի վրա։ Սա սերունդ է, որտեղ ամեն ինչ կառուցված է ոչ թե ցուցադրական նորարարության, այլ օպտիմիզացված աշխատանքի շուրջ։ Galaxy S26 շարքի սմարթֆոնները շուտով հասանելի կլինեն մոտակա AllSell վաճառասրահում՝ վաճառքի լավագույն պայմաններով։