Ի՞նչ նոթբուք ընտրել գրաֆիկական դիզայնի համար

Գրաֆիկական դիզայնի համար պետք է ընտրել հզոր նոթբուք, որպեսզի կարողանաք աշխատել դիզայներական պահանջկոտ ծրագրերով: Բայց, եթե բյուջեն սահմանափակ է, կարևոր է լինել բավարար տեղեկացված՝ համատեղելու սարքի հզորությունը, էրգոնոմիկան, հարմարավետ դիզայնը և բյուջեն։ Պարբերաբար թողարկվում են նոր մոդելներ՝ ավելացված հզորությամբ, որոնք արագացնում են նախագծերի մշակումը և մատուցումը բարձրացված արտադրողականության շնորհիվ: Ինչպիսի՞ն պետք է լինի դիզայների նոութբուքը 2025 թվականին: Ահա մի քանի հիմնական պարամետրեր, որոնց պետք է ուշադրություն դարձնել գրաֆիկական դիզայնի համար նոութբուք ընտրելիս:

Պրոցեսոր

Սա ցանկացած նոթբուքի սիրտն է և շատ կարևոր է գրաֆիկայի հետ աշխատելիս։ Դիզայներական ծրագրերի (Adobe Photoshop, Illustrator, After Effetcs) պահանջում են հզոր պրոցեսոր։ Խորհուրդ է տրվում ընտրել վերջին սերնդի Intel Core i7 կամ i9 պրոցեսորներ կամ դրանց AMD համարժեքները, ինչպիսիք են Ryzen 7-ը կամ Ryzen 9-ը։ Որքան բարձր է հաճախականությունը և որքան շատ միջուկներ կան, այնքան լավ։ Չպետք է ընտրել 6-ից պակաս միջուկ ունեցող մոդելներ։

Մեծ քանակությամբ տվյալների մշակումը պահանջում է արագ և հզոր պրոցեսոր։ Ո՞րն ընտրել։

• Intel Core i3 և AMD Ryzen 3 պրոցեսորներ՝ ավելի քիչ ռեսուրսատար աշխատանքի համար, ինչպիսիք են վեբ դիզայնը կամ պարզ լուսանկարների խմբագրումը։

• Intel Core i5-ը և AMD Ryzen 5-ը բավականին արդյունավետ են և հայտնի են դիզայներների շրջանում։

• Intel Core i7-ը և AMD Ryzen 7-ը կհաղթահարեն 3D գրաֆիկան, ինտերիերի դիզայնը և այլ պահանջկոտ առաջադրանքներ։

• Intel Core i9-ը և AMD Ryzen 9-ը հարմար են ամենախստապահանջ ծրագրերի և առաջադրանքների համար, ներառյալ 3D-ն, տեսանյութերի խմբագրումը և մշակումը, խաղերի մշակումը։

Տեսաքարտ

Տեսաքարտը հիմնական բաղադրիչն է, որը որոշում է գրաֆիկայի հետ աշխատելու արդյունավետությունն ու հարմարավետությունը: Տեսանյութերի նվագարկումը և 3D մոդելների դիտումը, ռենդերինգը և, նույնիսկ, լուսանկարների սովորական մասշտաբավորումն ընկնում է գրաֆիկական պրոցեսորի ուսերին: Որքան բարձր է լուծաչափն, այնքան մեծ է GPU-ի բեռը:

Նախընտրելի են NVIDIA GeForce RTX կամ AMD Radeon RX մոդելները: Գրաֆիկայի և տեսանյութի հետ աշխատելու համար նախընտրելի է ամենամեծ հիշողությամբ տեսաքարտը, մինչդեռ խաղերի համար ընդհանուր արագությունը և ժամացույցի հաճախականությունը շատ ավելի կարևոր են:

Պրոցեսորում ինտեգրված գրաֆիկա ունեցող նոութբուքերը հաճախ դանդաղում են, նույնիսկ, լուսանկարներ մշակելիս, ուստի դրանք հարմար չեն դիզայնի համար: Միայն լիարժեք դիսկրետ տեսաքարտով նոութբուքերը կարող են ապահովել բարձր արդյունավետություն և հարմարավետություն: Ժամանակակից տեսաքարտը պետք է արագացնի արհեստական ​​բանականության և ճառագայթային հետագծման վրա հիմնված գործիքները, ինչը կխնայի ձեր ժամանակը խմբագրման և վիզուալիզացիայի ժամանակ: GeForce RTX տեսաքարտերը կարող են անել երկուսն էլ:

Ընտրեք տեսաքարտ՝ կախված ձեր առաջադրանքներից.

• GeForce RTX 3050 և 3050 Ti-ով սկսնակների մակարդակի լուծումները բավարար են մինչև 4K լուծաչափով 2D դիզայնի, լուսանկարների մշակման և տեսանյութերի խմբագրման համար։

• Միջին բարդության 3D նախագծերի և 6K տեսանյութի համար ձեզ անհրաժեշտ կլինեն ավելի հզոր մոդելներ՝ GeForce RTX 3060, RTX 3060 Ti, RTX 3070, RTX 3070 Ti-ով։

• Մեծ 3D, CAD նախագծերի և 8K տեսանյութի համար ձեզ անհրաժեշտ են նոութբուքեր և համակարգիչներ, որոնք հիմնված են բարձր արդյունավետության տեսաքարտերի վրա՝ մեծ քանակությամբ տեսահիշողությամբ GeForce RTX 3080, RTX 3080 Ti և NVIDIA RTX A5000։

Օպերատիվ հիշողությունը

Միաժամանակ մի քանի ծրագրերում աշխատելու համար անհրաժեշտ է օպերատիվ հիշողություն։ Դիզայնի և տեսանյութերի խմբագրման համար խորհուրդ է տրվում ունենալ առնվազն 16 ԳԲ օպերատիվ հիշողություն, բայց եթե բյուջեն թույլ է տալիս, ավելի լավ է ձգտել 32 ԳԲ կամ նույնիսկ 64 ԳԲ-ի։                                                                    Աշխատանքի արագության համար կարո ղեք դիտարկել SSD պահեստավորում։ Նվազագույնը՝ 512 ԳԲ SSD, առավելագույնը՝ 1 ՏԲ։

Տվյալների պահեստավորում

SSD-ն շատ ավելի արագ է, քան HDD-ն։ Սա նշանակում է, որ օպերացիոն համակարգը և ծրագրերը բեռնվում են մի քանի վայրկյանում, իսկ գրաֆիկական ֆայլերի մշակումը և դրանց պահպանումը շատ քիչ ժամանակ կպահանջի։ Հիշողության ծավալը պետք է լինի առնվազն 512 ԳԲ (որից Windows-ը կզբաղեցնի մոտ 100 ԳԲ), բայց 1 ՏԲ կամ ավելին ավելի լավ է։

Էկրան

Էկրանի որակը կարևոր է դիզայներների համար: Անհրաժեշտ է ունենա բարձր լուծաչափ (ոչ պակաս, քան FullHD, բայց ավելի լավ է՝ 4K), լայն գունային գամմա (100% sRGB և ավելի բարձր) և գունային հստակ մատուցմամբ էկրաններ: Դիզայնում սա մեծ նշանակություն ունի: Ստուգեք, որ դելտա E ցուցիչը (որքանով կարող է ցուցադրված գույնը տարբերվել բնօրինակից) երկուսից փոքր լինի, իսկ ավելի լավը՝ մոտ մեկ կամ հավասար դրան: Այս դեպքում պատկերը հնարավորինս բնական տեսք կունենա: Գլխավորն այն է, որ գունային գամման լինի որոշակի մակարդակի վրա՝ առնվազն 100% sRGB կամ մոտ 100%՝ համաձայն DCI-P3-ի:

Էկրանի չափը նույնպես կարևոր է հարմարավետ աշխատանքի համար. 15-17 դյույմ անկյունագիծը կլինի լավագույն ընտրությունը: Բայց, եթե կոմպակտ դիզայնը և շարժունակունակությունն ոչ պակաս կարևոր է, կարող եք դիտարկել նաև 14 դյույմ անկյունագծով մոդելներ:

Ինքնավարություն

Մարտկոցը դիզայներական նոութբուքի կարևոր բաղադրիչ է, եթե հաճախ ստիպված եք աշխատել էլեկտրական ցանցից հեռու։ Այստեղ ամեն ինչ պարզ է. ընտրեք մոդելներ, որոնք «կաշխատեն» առանց լիցքավորման առնվազն 3-4 ժամ, բայց որքան շատ, այնքան լավ։

Էրգոնոմիկա

Դիզայներական նոթբուք ընտրելիս չպետք է անտեսել էրգոնոմիկան և դիզայնի գործոնը։ Նոութբուքը պետք է հարմարավետ լինի․ Նախապես ստուգեք, թե արդյոք ստեղնաշարի վրա անհրաժեշտ է NUMPAD բլոկ. այն օգտակար է, բայց մեծացնում է ստեղնաշարի մակերեսը և նոութբուքի ընդհանուր չափսը։