Լավագույն աքսեսուարները սմարթֆոնի համար

Կոնտակտներ, սոցիալական ցանցեր, օրացույց, տեսախցիկ, խաղեր՝ ամեն ինչ մի սարքի մեջ: Այսօր սմարթ հեռախոսները կարող են լինել էլեկտրոնային ընթերցիչներ, մինի կինոթատրոններ, խաղային կոնսոլներ, ֆիթնես մարզիչ և ոչ միայն։ Եվ, զարմանալի չէ, որ շուկայում այդքան շատ աքսեսուարներ կան սմարթֆոնի համար․ գնորդը բավականին լուրջ է մոտենում ոչ միայն սմարթֆոնի, այլ նաև աքսեսուարների ընտրությանը։ Որոշները նախատեսված են ձեր սարքի պաշտպանության համար, մյուսները՝ հարմարավետության և ֆունկցիոնալության բարձրացման, իսկ մյուսները՝ զվարճանքի համար: Ստորև կներկայացնենք ամենապահանջված աքսեսուարները։

Պաշտպանիչ պատյան

Սա, թերևս, ամենակարևոր աքսեսուարն է ձեր սմարթֆոնի համար: Պատյանը ոչ միայն պաշտպանում է սարքը հարվածներից, քերծվածքներից, այլ դառնում է ձեր ոճի մի մասնիկը։ Ժամանակակից պատյանները համատեղում են գեղեցկությունը, հարմարավետությունը, ֆունկցիոնալությունն ու պաշտպանությունը։ Պատյանի հիմքում, սովորաբար,  սիլիկոն կամ պոլիկարբոնատ է։ Ընտրել այնպիսի մոդել, որը մի փոքր ավելի բարձր է էկրանի մակերեսից, որպեսզի կարողանաք անվտանգ կերպով սմարթֆոնը դնել սեղանի վրա՝ դեմքով դեպի ներքև: Կարող եք ընտրել նաև կախիչով պատյան․ հարմար է, օրինակ, ճամփորդելիս։ Ձեռքերն ազատ են, սմարթֆոնը՝ անվտանգ։ Ձեր ուշադրությանն արժանի է նաև օղակ-բռնակով պատյանը։ Պարզապես մատը մտցնում եք օղակի մեջ և ապահով բռնում սմարթֆոնը։ Նման մոդելները, հաճախ, ունեն նաև սմարթֆոնի հենակի ֆունկցիա։ Մեծ պահանջարկ ունեն թափանցիկ պատյանները, որոնք պահպանում են սմարթֆոնի արտաքին տեսքը։ Դե իհարկե, այս տարբերակի պահանջարկը տրամաբանական է, քանի որ օգտատերերը չեն ցանկանում թաքցնել իրենց թանկարժեք սմարթֆոնի բնօրինակ գույնը, դիզայնը և բրենդը։ Շուկայում կհանդիպեն նաև պաշտպանիչ շրջանակով մոդելներ․ այս դեպքում պաշտպանված են միայն եզրերը։ Գրքի տեսքով փակվող պատյանը լավագույն պաշտպանությունն է ձեր սմարթֆոնի համար, քանի որ այն ծածկում է այն բոլոր կողմերից: Շատ դեպքերում, բացվելիս, պատյանն ավտոմատ կերպով միացնում է էկրանը: Հարմար մոտեցում է նաև փոքր պատուհանով պատյանը, որը ցուցադրում է ծանուցումներ և զանգահարողի նույնականացում:

Սելֆիի ձող

Օգտակար աքսեսուար բջջային սարքերի համար․ այլևս ստիպված չեք լինի խնդրել անցորդներին լուսանկարել ձեզ: Երկարացվող դիզայնի շնորհիվ (երկարությունը տատանվում է 0.2-ից մինչև 1 մ), կարող եք ինքներդ լուսանկարել 2-3 վայրկյանում։ Սելֆիի ձողը թեթև է, հեշտ օգտագործվող և հարմարավետ՝ բռնելու համար։ Այս ամենը շնորհիվ էրգոնոմիկ ռետինապատ բռնակի, որը սելֆիի ձողը պահում է կայուն։

Ավտոմեքենայի լիցքավորիչ

Ցանկացած վարորդի համար ավտոմեքենայի լիցքավորիչը անհրաժեշտ աքսեսուար է: Այն թույլ է տալիս լիցքավորել բջջային հեռախոսը, սմարթֆոնը, պլանշետը, նոութբուքը կամ GPS նավիգատորը անմիջապես ավտոմեքենայի հոսանքի վարդակից: Այս կոմպակտ սարքը կարող է ունենալ 1-3 միացք, ներառյալ՝

USB;

մինի-USB;

միկրո-USB;

USB-C;

DC միակցիչ 2.0;

8-փին, 30-փին, 8-փին MFI;

USB S30 փին (2):

Արտաքին մարտկոց (Power Bank)

Կարիք չկա անհանգստանալու, որ սմարթֆոնը կլիցքաթափվի անհարմար պահին։ Արտաքին մարտկոցը կոմպակտ լուծում է նրանց համար, ովքեր հաճախ շարժման մեջ են։ Ավելին, նորագույն մոդելները թույլ են տալիս միաժամանակ մի քանի սարք լիցքավորել։ Սարքի վրա կան USB միացքներ, որոնք թույլ են տալիս միացնել այն ցանկացած թվային սարքի։ USB մալուխը միշտ ներառված է, ինչը թույլ է տալիս օգտագործել սարքը գնումից անմիջապես հետո։ Արտաքին մարտկոցի հզորությունը չափվում է միլիամպեր-ժամով։ Օր․, 5000 մԱԺ հզորությամբ Power bank-ը հարմար է սմարթֆոնը մեկ անգամ լիցքավորելու համար։ Կարևոր է նաև լիցքավորման արագությունը։ Ժամանակակից մոդելներն ունեն Quick Charge կամ PD (Power delivery) տեխնոլոգիա, որն ապահովում է արագ լիցքավորում, առանց սարքը վնասելու։ 

Այսպիսով, եթե արտաքին մարտկոցը քեզ հետ է, ապա ունես էներգիա, ինքնավստահություն և ապահովություն։

Թաղանթ կամ ապակի

Ցավոք, սմարթֆոնի էկրանը կարող է կոտրվել ոչ միայն ընկնելուց։ Վտանգավոր է նաև բանալիների և այլ սուր առարկաների հետ սմարթֆոնի շփումը։ Էկրանի պաշտպանիչը կամ ապակին կպաշտպանեն ձեր էկրանը վնասվելուց։ Ընդհանուր առմամբ, լավագույնն է համարվում մասնագետ վարձել կիրառման համար, բայց եթե հետևեք հրահանգներին, կարող եք ինքներդ ամրացնել թաղանթը։ Էկրանի պաշտպանիչ ընտրելիս ուշադրություն դարձրեք ձեր սմարթֆոնի մոդելին. թաղանթը չափի կտրելը այնքան էլ հեշտ չէ, որքան թվում է։

Ապակին կամ թաղանթը կարող են կպչել էկրանի եզրերին կամ առջևի ամբողջ վահանակին, ներառյալ շրջանակը։ Վերջին տարբերակը սովորաբար համատեղելի չէ բարձր եզրերով պատյանների հետ, այնպես որ հիշեք սա։

Ի՞նչ տարբերություն կա թաղանթի և ապակու միջև։ Թաղանթը սովորաբար բարակ է և բաղկացած է երեք շերտից, մինչդեռ ապակին շատ ավելի հաստ է և ունի լրացուցիչ ծածկույթներ՝ անդրադարձնող և օլեոֆոբ: ​​Թաղանթը պաշտպանում է միայն մանր քերծվածքներից, մինչդեռ ապակին կարող է դիմակայել անկման հարվածին։

Մագնիսական քարտապանակ

Մագնիսական քարտապանակը սմարթֆոնի համար նախատեսված կոմպակտ և հարմար աքսեսուար է, որը տեղադրվում է սմարթֆոնի հետևի մասում։ Այն հիմնականում օգտագործվում է քարտեր, ID, գումար կամ այլ փոքր փաստաթղթեր պահելու համար։ Մագնիսական համակարգն ապահովում է, որ քարտերն ամուր ամրացված լինեն։ Այդպիսի քարտապանակները, սովորաբար, պատրաստված են կաշվից, սիլիկոնից կամ մետաղից։ Այս քարտապանակները նախատեսված են հետևյալ սմարթֆոնների համար․

• iPhone 12 և ավելի նոր Apple սմարթֆոններ
• Ակտիվ մագնիսական պատյան ունեցող Android մոդելներ, օրինակ, Google Pixel 10 շարքը, 
• Android այլ մոդելների համար գործածելի են այն քարտապանակները, որոնք կարելի է կցել պատյանին կամ սեղմել մետաղական ամրակով, եթե սմարթֆոնը չունի մագնիսական օղակ։ 

Գրիչ

Սմարթֆոնի գրիչը  նախատեսված է զգայուն սենսորային էկրանների համար՝ թույլ տալով ավելի հարմարավետ գրել, նկարել կամ կառավարել էկրանը, առանց մատնահետքեր թողնելու։ Բացի այդ , այն պաշտպանում է էկրանը քերծվածքներից։ Գրիչը կարելի է օգտագործել բոլոր սմարթֆոնների և պլանշետների հետ։