Instax Mini 12. Ակնթարթային տպման հմայքը

Կան օրեր, պահեր, որոնք հիշարժան են և ուզում ենք պահպանել, թեկուզ, լուսանկարի տեսքով։ Թվային ֆոտոխցիկները վերարտադրում են կարևոր պահերի պատկերները՝ բնական գույներով, մինչև անգամ ակնթարթորեն տրամադրում են լուսանկարը թղթային տարբերակով։ Fujifilm ֆոտոխցիկներն այս հարցում պրոֆեսիոնալ են և շուկայում մեծ պահանջարկ ունեն։ Դրանք միավորել են տեխնիկան և մարդկային նուրբ զգացումները․ լավագույն պահերը, վայրկյանների ընթացքում, դառնում են շոշափելի։ Ստորև ներկայացնում ենք ամենապահանջված մոդելներից մեկի՝ Instax Mini 12 ֆոտոխցիկի օգտագործման մանրամասները։

Fujifilm Instax 12-ը ակնթարթային տպագրության տեսախցիկ է: Ունի նկարահանման երեք ռեժիմ՝ ստանդարտ, ինքնանկար և մակրո։ Կարող եք անցնել նկարահանման ռեժիմների միջև՝ պտտելով օբյեկտիվի օղակը։ Instax mini 12-ը հասանելի է գունային մի քանի տարբերակներով:

Instax mini 12-ի հիմնական առանձնահատկությունները.

• Տեսախցիկի ժապավենի ձևաչափ՝ Instax mini (10 կադրի քարթրիջ)
• Կադրի չափս՝ 62x46 մմ
• Քարտի չափս՝ 86x54 մմ
• Օբյեկտիվ՝ 60 մմ, f/12.7 (2 տարր 2 խմբում)
• Մշակման ժամանակը՝ մոտավորապես 90 վայրկյան (կախված ջերմաստիճանից)
• Սնուցում՝ 2 x AA մարտկոցներ (ալկալային), ծառայության ժամկետը՝ մինչև ~10 ժապավեն (մոտավոր)
• Ավտոմատ անջատում՝ մոտավորապես 5 րոպե անց

Սարքը միավորում է պարզությունն ու ֆունկցիոնալությունը։ Առկա է ավտոմատ էքսպոզիցիա, այսինքն, լույսը կարգավորելու կարիք չկա։ Ֆոտոխցիկն ունի ավտոմատ լուսավորության հնարավորություն, ինչը թույլ է տալիս ստանալ պարզ և պայծառ լուսանկարներ ցանկացած միջավայրում։  «Selfie Mode»-ը և ներկառուցված հայելին հեշտացնում են սելֆիների ստեղծումն, իսկ արագ տպագրության համակարգը ձեր հիշողությունը դարձնում է թղթային լուսնակար։

Ի՞նչ է ներառված ֆոտոխցիկի տուփի մեջ

Instax Mini 12-ը գալիս է դաստակի ժապավենով և երկու AA մարտկոցով։ Դաստակի ժապավենը ապահովում է կայունություն և ճշգրտություն նկարահանման ժամանակ, ինչպես նաև բարելավում է տեսախցիկի օգտագործման հարմարավետությունը։ Fujifilm-ը խորհուրդ է տալիս գնել Instax-ի ժապավենի քարթրիջը անմիջապես արտադրողից։ Mini 12-ի քարթրիջի վրա պետք է նշվի, որ դրանք արտադրված են mini շարքի համար, քանի որ լուսանկարչական թղթի տարբեր տեսակներ ունեն իրենց չափսերը։

Ինչպե՞ս օգտագործել Instax Mini 12-ը։

• Տեղադրեք ժապավենը տեսախցիկի մեջ

• Տեղադրեք մարտկոցները և միացրեք տեսախցիկը

• Կատարեք փորձնական լուսանկար՝ քարթրիջը նկարահանմանը պատրաստելու համար

• Զգուշորեն բռնեք ժապավենի եզրը և հանեք այն տեսախցիկից (Instax Mini 12-ով լուսանկարները պատրաստվում են 90 վայրկյանում։ Տպագրությունը տևում է մոտավորապես 15 վայրկյան)

Նկարահանելուց հետո անջատեք տեսախցիկը՝ մարտկոցի լիցքը խնայելու համար։ Կարող եք անջատել Instax mini 12-ը՝ օբյեկտիվի օղակը դնելով «Անջատված» դիրքի վրա: Այնուամենայնիվ, Instax Mini 12-ն ունի ավտոմատ անջատման գործառույթ։

Մի բացեք ֆոտոխցիկի հետևի կափարիչը, եթե այնտեղ ժապավեն կա։ Հակառակ դեպքում լույսը կհասնի լուսանկարչական թղթին և օգտագործման համար այն կդառնա անպիտան։

ֆոտոխցիկի լիցքավորումը

Instax Mini 12-ի լիցքավորման համար անհրաժեշտ է ստանդարթ AA ալկալային երկու մարտկոց։ Կարող եք օգտագործել ցանկացած ապրանքանիշի լիթիումային բարձրորակ մարտկոցներ։ երբ Instax mini 12-ի լիցքավորումը քիչ է, ֆոտոխցիկի էկրանին գտնվող մարտկոցի ցուցիչը կարմիր է վառվում։ Լիցքավորման դեպքում Polaroid Instax 12-ի էկրանի կտեսնեք լրացված լիցքավորման ցուցիչը: AA մարտկոցները բավարար են մոտավորապես 100 լուսանկարի համար:

Ինչպե՞ս պահպանել Instax Mini 12 ժապավենը

Instax Mini 12 ժապավենային քարթրիջները պետք է պահվեն զով, չոր տեղում։ Օգտագործեք թուղթը տեսախցիկի մեջ տեղադրելուց հետո հնարավորինս շուտ։ Ժապավենը չպետք է ենթարկվի ռենտգենյան ճառագայթների, օրինակ՝ օդանավակայաններում ուղեբեռի ստուգման ժամանակ, կամ պայծառ լույսի։

Ի դեպ 

Նկարները խմբագրելու համար Instax mini 12-ը կարող եք միացնել ձեր սմարթֆոնին․ ներբեռնեք անվճար «instax™ Up» հավելվածը և սկանավորեք լուսանկարները ձեր սմարթֆոնով։ Սկանավորեք ցանկացած չափի Instax™ լուսանկար  և պահպանեք այն թվային տարբերակով։ 

Այսպիսով

Fujifilm Instax Mini 12-ը կլինի ձեզ հետ և լուսանկարի կվերածի ձեր հիշարժան պահերը։ Այն թեթև է, կոմպակտ ( մոտավորապես 306 գրամ, առանց ժապավենի և մարտկոցների: Իսկ լրիվ հավաքված վիճակում՝ 350 գրամ), հարմարավետ սարք, որը հեշտությամբ կարող եք տեղավորել պայուսակում։ Տեխնիկական հնարավորությւններից բացի, ֆոտոխցիկը յուրահատուկ տրամադրություն է փոխանցում։ Երբ լուսանկարում եք և վայրկյանների ընթացքում ձեր ձեռքերում հայտնվում է լուսանկարը, տեխնիկան դառնում է հույզերի աղբյուր։ Յուրաքանչյուր լուսանկար կենդանի պատմություն է, որ միշտ կարող ես պահել ու կիսվել։ Թերևս հենց սա է ֆոտոխցիկի հաջողության գրավականը։

Դուք կարող եք ունենալ ձեր Instax Mini 12 ֆոտոխցիկը հենց այսօր․ սարքն առկա է AllSell վաճառասրահներում՝ լավագույն գնով և գունային ընտրության հնարավորությամբ։ Գործում է նաև արագ առաքում ՀՀ տարածքում։