DJI Mic 3 միկրոֆոնի առանձնահատկությունները

DJI ընկերությունը ներկայացրել է նոր անլար միկրոֆոնային համակարգ՝ DJI Mic 3-ը: Այս մոդելն առաջարկում է առաջադեմ հնարավորություններ ինչպես մասնագետների, այնպես էլ սկսնակների համար: Այսպիսով, ի՞նչ առավելություններ է առաջարկում DJI Mic 3 անլար միկրոֆոնային համակարգը: Եկեք պարզենք:

Արագ և հեշտ կարգավորում 

DJI-ի կարգավորումը պարզ և ինտուիտիվ է: Հաղորդիչները և ընդունիչը զուգակցվում են սկզբից: Հետևեք այս քայլերին՝ ընդամենը մի քանի րոպեում  ձայնագրությունը սկսելու համար․

Միացում. սեղմեք և պահեք ընդունիչի և հաղորդիչների միացման կոճակը երկու վայրկյան: Առաջին մեկնարկի ժամանակ համակարգը ձեզ կառաջարկի ընտրել լեզու և սահմանել ժամանակը:

Սարքերի զուգակցում (անհրաժեշտության դեպքում). Եթե կապը կորչի, դուք ունեք երկու տարբերակ. տեղադրեք հաղորդիչները և ընդունիչը լիցքավորման պատյանի մեջ՝ ավտոմատ զուգակցման համար, կամ ձեռքով ակտիվացրեք «Սարքերի զուգակցում» տարբերակը ընդունիչի ընտրացանկում: Հաջող զուգակցումից հետո հաղորդչի վրա ցուցիչը կդառնա կանաչ:

Ամրացրեք միկրոֆոնը. Հաղորդիչը մագնիսական սեղմակով հեշտությամբ ամրացվում է հագուստին: Սեղմակի պտտվող մեխանիզմը թույլ է տալիս միկրոֆոնը ուղղակիորեն ուղղել ձայնի աղբյուրին՝ առավելագույն որակի համար:

Նվազեցրեք քամու աղմուկը. դրսում տեսագրման համար, պարզապես, միացրեք քամու պաշտպանիչը՝ պլաստիկ հիմքը հաղորդչի բացվածքին համապատասխանեցնելով: Սա արդյունավետորեն կնվազեցնի ֆոնային քամու աղմուկը՝ միաժամանակ ձայնը մաքուր պահելով:

Աուդիո ձայն

DJI Mic 3-ը տպավորիչ է իր պրոֆեսիոնալ ձայնագրման հնարավորություններով, որոնք թույլ են տալիս ձայնագրել անկորուստ աուդիո, նույնիսկ, դժվար պայմաններում։

Միկրոֆոնն աջակցում է <<32-bit-float>> ձայնագրությանը՝ ապահովելով բացառիկ դինամիկ տիրույթ։ Ի՞նչ է սա նշանակում․ համակարգը կարող է ձայնագրել աուդիո՝ ամենացածր շշուկներից մինչև ամենաբարձր ձայներն, առանց կտրվածքների կամ աղավաղումների՝ առաջարկելով աուդիո մշակման լայն հնարավորություններ։ Աջակցվում է նաև կրկնակի ձայնագրության գործառույթին. զուգահեռաբար պահվում է պահուստային ձայնագրություն, որը վերացնում է տվյալների կորստի ռիսկը։  Առկա է 32 ԳԲ ներքին հիշողություն. արտաքին հիշողության քարտեր անհրաժեշտ չեն։

Ձայնի երկշերտ փոխանցում

Համակարգն օգտագործում է աղմուկի դեմ պայքարի տեխնոլոգիա՝ 2.4 GHz և 5 GHz հաճախականությունների միջև ավտոմատ անցումով․ ապահովում է կայուն կապ մինչև 400 մետր հեռավորության վրա՝ բաց տարածքներում: Lossless Audio ռեժիմը (միացված լինելու դեպքում) փոխանցում է չսեղմված աուդիո 48 կՀց հաճախականությամբ և 24-բիթ լուծաչափով՝ արձանագրելով յուրաքանչյուր մանրուք բարձր որակով:

Խելացի գործառույթներ՝ կատարյալ ձայնի համար

Բացի հիմնական ձայնային որակից, DJI Mic 3-ը հագեցած է խելացի լուծումներով, որոնք ավտոմատացնում են ձայնագրման գործընթացը և թույլ են տալիս կենտրոնանալ ստեղծագործականության վրա։

Ավտոմատ ուժեղացման կառավարում

Այս գործառույթը ավտոմատ կերպով կարգավորում է ձայնի մակարդակը՝ կորուստները կանխելու համար։ Հասանելի են երկու ռեժիմ՝

• ավտոմատ․ իդեալական է դինամիկ միջոցառումների համար (օր, սպորտային հեռարձակումները), որտեղ ձայնի ուժգնությունը զգալիորեն տատանվում է:
• դինամիկ. հարթեցնում է ձայնը, օգտակար է ստուդիական նկարահանումների համար։ 

Աղմուկի երկաստիճան մարում

DJI Mic 3-ն առաջարկում է ֆոնային աղմուկի մարման երկու մակարդակ`  ցածր (իդեալական է հանգիստ միջավայրերի համար՝ նվազեցնելով օդափոխիչների և օդորակիչների բզզոցը) և  բարձր (պահպանում է ձայնի պարզությունը բացօթյա աղմկոտ միջավայրերում)

Ձայնի տոնի նախադրված կարգավորումներ

Դուք կարող եք ձայնը հարմարեցնել ձեր կարիքներին՝ օգտագործելով երեք տոնի նախադրված կարգավորումներ․ նորմալ, որը բնական և հավասարակշռված է, հարուստ, որն առաջարկում է ավելի խորը բաս, և պայծառ, որն ապահովում է լրացուցիչ պարզություն՝ հեռարձակումների և կրթական տեսանյութերի համար:

Մի քանի սարքերի աջակցություն (4 հաղորդիչ + 8 ընդունիչ)

Մեկ ընդունիչը կարող է միաժամանակ աշխատել մինչև չորս հաղորդիչի հետ։ Հարմար է խմբային հարցազրույցների կամ բազմաձայն ձայնագրությունների համար։ Հնարավոր է նաև համաժամեցնել աուդիոն մինչև յոթ լրացուցիչ ընդունիչների հետ։ 

Ուղիղ միացում առանց ընդունիչի

DJI OsmoAudio™ էկոհամակարգի շնորհիվ կարող եք հաղորդիչը միացնել DJI սարքերին, ինչպիսիք են Osmo Action 4-ը, Osmo Pocket 3-ը և Osmo 360-ը՝ շրջանցելով ընդունիչը: Անլար կապով կարող եք միացնել նաև հաղորդիչը և ձեր սմարթֆոնը Bluetooth-ի միջոցով՝ ճանապարհին արագ ձայնագրելու համար:

Ինտեգրված ժամանակային կոդ՝ պրոֆեսիոնալ մոնտաժի համար

Երբ նկարահանում եք բազմաթիվ տեսախցիկներով, ձայնի և տեսանյութի համաժամեցումը բարդ խնդիր է: DJI Mic 3-ը լուծում է այս խնդիրը՝ իր ներկառուցված, բարձր ճշգրտությամբ ժամանակային կոդի գեներատորի միջոցով: Այն թույլ է տալիս համապատասխանեցնել հետքերը օրական մեկ կադրից պակաս ճշգրտությամբ, զգալիորեն արագացնելով մոնտաժը:

Լիցքավորում՝ ամբողջ օրվա համար

Ձեր նկարահանումները չպետք է դադարեցվեն մարտկոցի ցածր լիցքի պատճառով: DJI Mic 3-ն առաջարկում է երկարատև մարտկոցի աշխատանք․ մեկ հաղորդիչը աշխատում է մինչև 8 ժամ, իսկ ընդունիչը՝ մինչև 10 ժամ։

Լիցքավորման պատյան. փոխադրելի պատյանը երկարացնում է մարտկոցի ընդհանուր աշխատանքի տևողությունը մինչև 28 ժամ՝ ապահովելով մոտավորապես 2.4 լրիվ լիցքավորում երկու հաղորդիչի և ընդունիչի համար։

Արագ լիցքավորում. ընդամենը 5 րոպե լիցքավորումը ապահովում է մինչև 2 ժամ օգտագործման տևողություն: Լրիվ լիցքավորումը տևում է մոտավորապես 50 րոպե։

Օգտագործում լիցքավորման ընթացքում. համակարգն աջակցում է ձայնագրմանը լիցքավորման ընթացքում․ գործընթացը ընդհատելու անհրաժեշտություն չկա։ 

Հավաքածուն ներառում է

DJI Mic 3 ստանդարտ հավաքածուն (2 հաղորդիչ + 1 ընդունիչ) ապահովում է լիարժեք գործող աուդիո լուծում։ Լիցքավորման պատյանը նախատեսված է բոլոր անհրաժեշտ բաղադրիչները անվտանգ կերպով պահելու համար։ Ահա թե ինչ կա ներսում.

DJI Mic 3 ընդունիչ (1)

DJI Mic 3 հաղորդիչներ (2)

DJI Mic 3 լիցքավորման պատյան (1)

Սմարթֆոնի ադապտեր (USB-C)

Կողպվող աուդիո ադապտերի մալուխ (3.5 մմ TRS-ից TRS)

USB-C տվյալների մալուխ

Քամու պաշտպանիչներ (4)

Մագնիսներ և մագնիսական սեղմակներ (2-ական)

Գործվածքային պահեստավորման պայուսակ