Ինչպե՞ս ընտրել պլանշետ

Պլանշետն ավելի հարմարավետ է կարդալու, խաղեր խաղալու և տեսանյութեր դիտելու համար, քան հեռախոսը։ Այն նաև ավելի թեթև է, քան նոթբուքը և կարող է փոխարինել այն բազմաթիվ ձևերով։ Ահա մի քանի խորհուրդներ, որոնք կօգնեն ձեզ կատարել ճիշտ ընտրություն։

Այսօր կան պլանշետների տարբեր մոդելներ՝ տասնյակ տարբեր արտադրողներից։ 

Եթե ձեր պլանշետով ուզում եք միայն զննել ինտերնետը, ստուգել էլեկտրոնային փոստը կամ դիտել ֆիլմեր և այլ հոսքային բովանդակություն, ապա գրեթե ցանկացած պլանշետ (կամ, առհասարակ, ցանկացած սմարթֆոն) հավանաբար կարող է դա անել։ Սակայն, երբ մտածեք այն մասին, թե ինչպես եք նախատեսում օգտագործել ձեր պլանշետը, կարող է ավելի հեշտ լինել համապատասխան մոդելների շրջանակը նեղացնելը։ Այս հարցերի ձեր պատասխանները կարող են օգնել ձեզ որոշել ամեն ինչ՝ սկսած լավագույն օպերացիոն համակարգից մինչև իդեալական էկրանի չափը:

Օպերացիոն համակարգ

Պլանշետները լինում են Android, iPadOS և Windows օպերացիոն համակարգերով: Համատեղելիության խնդիրներից խուսափելու և ձեր սարքը ավելի հեշտ օգտագործելի դարձնելու համար ընտրեք նույն օպերացիոն համակարգը, ինչ ձեր սմարթֆոնը: Այսպես, Apple-ն արժե դիտարկել, եթե ունեք , օրինակ, iMac համակարգիչ կամ ընկերության այլ սարքեր և ցանկանում եք ձեր պլանշետի վրա օգտագործել ծանոթ հավելվածներ: Երբ որոշեք օպերացիոն համակարգի մասին, ձեր ընտրության ցանկը սկսում է մի փոքր ավելի կառավարելի թվալ։ 

iPadOS. ինտեգրված է Apple-ի էկոհամակարգին (iPhone, iMac, iCloud): Եթե արդեն ունեք Apple սարքեր, սա մեծ առավելություն է։ App Store-ում կգտնեք բազմաթիվ հավելվածներ ձեր Apple պլանշետի համար։ Կարևոր առավելություն է  նաև այն, որ Apple պլանշետները երկար ժամանակ ստանում են համակարգի թարմացումներ։

Android. այս ՕՀ-ն ընտրելու դեպքում ձեր առջև կբացվի Android պլանշետների մեծ տեսականի. տարբեր արտադրողներ, գնային տարբեր սահմաններ։ Բազմաթիվ վիջեթների, թեմաների հասանելիություն։ Հիշողության ընդլայնման հնարավորություններ MicroSD քարտով։

Windows. եթե ուզում ես պլանշետն օգտագործել որպես նոթբուք՝ Office ծրագրերով, լիարժեք վեբ միջավայրով, սա լավագույն տարբերակն է։ 

Էկրան 

Պլանշետների չափսերը տատանվում են 7-ից մինչև 13.3 դյույմ։ Մեծ էկրանները հարմարավետ են աշխատելու և տեսանյութեր դիտելու համար, մինչդեռ փոքր էկրանները հեշտությամբ տեղավորվում են պայուսակի մեջ։ Եթե դիտարկում եք գրաֆիկական պլանշետներ, ապա ուշադիր եղեք լուծաչափին՝ որքան բարձր լինի այնքան ավելի սուր կլինի պատկերը։ Օրինակ, 9-10 դյույմանոց էկրանի համար հարմար է Full HD (1920x1080, 1920x1200) լուծաչափը։ Այնուամենայնիվ, հիշեք, որ ավելի բարձր լուծաչափով պլանշետները սովորաբար ավելի թանկ են և ավելի արագ են լիցքաթափում մարտկոցը։

Պլանշետների համար ամենատարածված էկրանի տարբերակը IPS-ն է: Այն առաջարկում է իրատեսական գույների վերարտադրություն և լայն դիտման անկյուններ. պատկերը մնում է անփոփոխ՝ անկախ նրանից, թե ինչպես եք թեքում պլանշետը:

Որոշ մոդելներ ունեն Super AMOLED էկրան. այն առաջարկում է հարուստ, խորը գույներ, բարձր հակադրություն, օգտագործում է ավելի քիչ էներգիա և ավելի թանկ է, քան IPS-ը:

Հասանելի են նաև TN և TFT էկրաններ. դրանք ընդհանուր առմամբ էժան են, բայց հարմար են, հիմնականում, միայն ընթերցանության համար։

Ապակին նաև ծառայում է որպես պաշտպանիչ շերտ: Եթե հաճախ եք ճանապարհորդում ձեր պլանշետով, դիտարկեք գերամուր Corning Gorilla Glass-ը կամ Dragontrail-ը:

Հզորություն

Պլանշետի աշխատանքի վրա ազդում են պրոցեսորի տեսակը և օպերատիվ հիշողության ծավալը։ Որքան շատ միջուկներ և որքան բարձր է դրա հաճախականությունը, այնքան արագ է պլանշետը, և որքան շատ օպերատիվ հիշողություն, այնքան շատ հավելվածներ կարող են միաժամանակ աշխատել։ 1 ԳԲ օպերատիվ հիշողությունը բավարար է ընկերներին զանգահարելու և նորություններ կարդալու համար, բայց PUBG կամ World of Tanks խաղալու համար անհրաժեշտ կլինի առնվազն 2 ԳԲ։

Հիշողություն

Պահեստի ծավալը որոշում է, թե քանի հավելված, լուսանկարներ, փաստաթղթեր, ֆիլմեր և երաժշտություն կարող եք պահել ձեր պլանշետի վրա։ Որքան փոքր է հիշողությունը, այնքան ավելի հաճախ ստիպված կլինեք մաքրել պլանշետը։ Հասանելի հիշողությունը տարբերվում է տեխնիկական բնութագրերում նշված թվից. համակարգը սովորաբար զբաղեցնում է մոտավորապես 3-4 ԳԲ հիշողություն։

Մինչև 16 ԳԲ Հիմնական հիշողությամբ պլանշետը հարմար է ինտերնետում ընթերցանության և զննարկման համար։ 16-32 ԳԲ ծավալը՝ 2-3 լուսանկարչական ալբոմի, երաժշտության, սոցիալական ցանցերի, բանկային հավելվածների, նավիգացիայի և պարզ խաղերի համար։ 64 ԳԲ և ավելի հիշողությունը հարմար է ակտիվ լուսանկարչության, տեսանկարահանման, ֆիլմերի պահպանման և ցանկացած խաղ տեղադրելու համար։ Դուք կարող եք խնայել գումար՝ ընտրելով փոքր ծավալի հիշողությամբ, օրինակ՝ 16 ԳԲ, և microSD քարտի անցք ունեցող պլանշետ։ Պարզապես հաշվի առեք քարտի առավելագույն չափի սահմանափակումները։

Անլար կապ

Պլանշետների մեծ մասն ունի ներկառուցված Wi-Fi։ Այն կարող են օգտագործվել ինչպես Wi-Fi կապի միջոցով, այնպես էլ ձեր սմարթֆոնը որպես բջջային կապի կետ օգտագործելով (հասանելի է ամենավերջին մոդելների վրա): 

Կան պլանշետներ, որոնք ներառում են բջջային լայնաշերտ ինտերնետ՝ 3G կամ 4G (բայց դա նշանակում է առանձին պլանի բաժանորդագում): 3G-ն և 4G-ն օգտակար են, եթե հաճախ եք օգտագործում ձեր պլանշետը ճանապարհին: Եթե սիրում եք լեռնագնացություն կամ ապրում եք քաղաքից դուրս, դիտարկեք GPS, A-GPS և GLONASS աջակցությամբ մոդելները: Որոշ պլանշետներ, նույնիսկ, ունեն երկու SIM քարտի անցքեր: Սա օգտակար է տարբեր տվյալների և բջջային պլանների մասշտաբավորման և ճանապարհորդելիս գումար խնայելու համար: 

Մարտկոց

Որքան բարձր է մարտկոցի հզորությունը, այնքան լավ։ Սակայն, այս պարամետրը միշտ չէ, որ կգտնեք տեխնիկական բնութագրերում, քանի որ էներգիայի սպառման վրա ազդում են բազմաթիվ գործոններ։

Մարտկոցի հզորության փոխարեն արտադրողները հաճախ նշում են մարտկոցի մոտավոր աշխատանքի տևողությունը։ Սա նույնպես մոտավոր է, քանի որ փորձարկումները կատարվում են լաբորատոր պայմաններում, բայց կարող է օգտակար լինել։ Օրինակ, եթե շատ ժամանակ եք անցկացնում ճանապարհորդելով, ընտրեք սարքեր, որոնց մարտկոցի աշխատանքային տևողությունը առնվազն 7-8 ժամ է։ Տանը օգտագործվող պլանշետի համար ավելի լավ է ավելի քիչ հզոր մարտկոց։

Միակցիչներ

Չնայած միացումները համակարգիչների և նոութբուքերի համար կարևոր գործոն են, դրանք պակաս կարևոր են պլանշետների համար, որոնցից շատերն օգտագործում են Wi-Fi, Bluetooth և հավելվածների համադրություն՝ տվյալների պահպանման և փոխանցման համար: Apple պլանշետները քիչ ապարատային միացումներ ունեն, չնայած որոշ սարքեր կարող են միացվել պլանշետի դոկ միակցիչին ադապտերների միջոցով կամ անլար կապով՝ հատուկ նախատեսված սարքերի միջոցով: Android պլանշետները սովորաբար առաջարկում են ավելի մեծ բազմազանություն ապարատային միացումների առումով, որտեղ սովորական են USB միակցիչը, HDMI ելքը կամ հիշողության քարտի անցքերը լրացուցիչ պահեստավորման համար: