IPhone 17․ Apple սմարթֆոնների նոր սերունդը՝ բոլոր մանրամասներով

2025 թվականի սեպտեմբերի 9-ին Apple սմարթֆոնները համալրվեցին նոր՝ iPhone 17 շարքի մոդելներով՝ iPhone 17, iPhone 17 Air, iPhone 17 Pro և iPhone 17 Pro Max։ Յուրաքանչյուր մոդել ստացավ թարմացված դիզայն, նոր A19 չիպ, բարելավված էկրաններ և տեսախցիկներ, ընդլայնված գույների տեսականի և աջակցություն ամենաժամանակակից անլար տեխնոլոգիաներին։

iPhone 17

Հիմնական՝ iPhone 17 մոդելն ունի 6.3 դյույմ OLED էկրան՝ ProMotion 120 Hz տեխնոլոգիայով, Ceramic Shield 2-ով և մինչև 3000 նիտ պայծառությամբ, ինչը էկրանը դարձնում է նկատելիորեն ավելի պայծառ և հստակ՝ արևոտ պայմաններում։

Շնորհիվ նոր՝ A19 պրոցեսորի, նորույթն ապահովում է ավելի բարձր արտադրողականություն և էներգաարդյունավետություն, քան նախորդ սերունդը։ իսկ ներկառուցված N1 չիպը պատասխանատու է Wi-Fi 7, Bluetooth 6 և Thread տեխնոլոգիաներն ապահովելու համար։ Սա բարելավում է AirDrop, Hotspot և անլար սարքերի աշխատանքը։ Նորույթն ունի 48 մեգապիքսելանոց գերլայնանկյուն հիմնական տեսախցիկ և 12 մեգապիքսել 2x հեռահաղորդակցական տեսախցիկ։

Հիմնական մոդելն առաջարկում է  8 ԳԲ օպերատիվ և 256/512 ԳԲ ներքին հիշողություն։

Բազային մոդելը ներկայացավ գունային հինգ տարբերակով՝ սև (Black), սպիտակ (White), լավանդայի երանգ (Lavender), բաց կապույտ (Mist Blue), կանաչ (Sage)։

iPhone Air

Ինչպես արդեն հայտնի էր Apple-ին մոտ կանգնած աղբյուրների արտահոսքիղ, iPhone 17 Plus-ի փոխարեն, Apple-ը ներկայացրեց iPhone Air-ի մոդելը։ Այս տարբերակն ընկերության պատմության մեջ ամենաբարակ Apple սմարթֆոնն է (5.6 մմ)՝ 6.5 դյույմ էկրանով՝ 120 Հց և Always-On ռեժիմների աջակցությամբ։ Ապահովված է էկրանի պայծառության բարձր ցուցանիշով, ինչն ավելի հարմարավետ է դարձնում սմարթֆոնի օգտագործումն արևոտ պայմաններում։

iPhone Air-ը սնուցվում է A19 Pro չիպով, ունի 6 պրոցեսորային և 5 գրաֆիկական պրոցեսորային միջուկ։

Նորույթն ունի C1X չիպի համակցված տարբերակ, համատեղում է Wi-Fi, Bluetooth և Thread մոդուլները։ Սա Apple-ի սեփական չիպի երկրորդ սերունդն է, որը դեբյուտ է ունեցել iPhone 16e-ում։

iPhone Air-ը հագեցած է 48 մեգապիքսել տեսախցիկով։ Առկա է սովորական ռեժիմ և x2 հեռաօպտիկական տեսախցիկ։

Նորույթն առաջարկում է 256ԳԲ, 512ԳԲ , 1ՏԲ ներքին հիշողությամբ տարբերակներ։

iPhone Air-ում չկա ֆիզիկական SIM քարտ, միայն eSIM՝ բոլոր տարածաշրջանների համար։ Ներդվրվել են ԱԲ-ի վրա հիմնված բարելավված էներգախնայողության ալգորիթմներ և ամբողջ օրվա ինքնավարւթյուն, առանց լիցքավորման։ Սմարթֆոնի հետ միասին ներկայացվեց MagSafe մարտկոցը։

Ունեք չորս գունային ընտրություն՝ սև (Space Black) սպիտակ (Cloud White), բաց ոսկեգույն (Light Gold), բաց երկնագույն (Sky Blue)։

iPhone 17 Pro / Pro Max

iPhone 17 Pro շարքը վերադարձել է ալյումինին։ Հիշեցնենք, որ նախորդ երկու սերունդներն տիտանից էին։ Հետևի կափարիչի դիզայնը փոխվել է․ տեսախցիկի բլոկի հատվածում հայտնվել է կղզիացված ծածկույթ։

«Pro»-ները, ինչպես Air-ը, ստացել են A19 Pro չիպ, որը խոստանում է 40%-ով ավելի հզորություն խաղերում և այլ երկարատև բեռների ժամանակ։

Հետևի կափարիչը այլևս ապակուց չէ, այլ պատրաստված է կերամիկական վահանի ծածկույթով։ Այն ավելի ամուր է, քան ապակին և ավելի քիչ է հակված քերծվածքների։

Սմարթֆոնի բոլոր երեք տեսախցիկները ստացել են 48 մեգապիքսել սենսոր։ Տեսախցիկն աջակցում է 4x և 8x խոշորացման, իսկ թվային մեծացումը՝ մինչև 40x։

Բարելավվել է տեսանկարահանումը․ հայտնվել է ProRes RAW ձևաչափով ձայնագրման աջակցություն։

iPhone 17 Pro-ում ներդրվել է 4252 մԱժ մարտկոց, իսկ Pro Max-ում՝ 5000 մԱժ

Apple-ն առաջարկում է 256ԳԲ / 512ԳԲ / 1ՏԲ ներքին հիշողություն iPhone 17 Pro սմարթֆոնի համար, իսկ Pro Max մոդելի դեպքում՝ մինչև 2ՏԲ։

Pro շարքը ներկայացավ երեք գույնով՝ մուգ կապույտ (Deep Blue), հյութեղ նարնջագույն (Cosmic Orange) և արծաթագույն (Silver):

Apple-ը ներկայացրեց նաև նոր սերնդի Apple ժամացույցներ

Apple Watch 11-ն առաջարկում է դիզայնի և ֆունկցիոնալության նորարարություններ․ քնի գնահատում, արյան ճնշման մոնիտորինգ, հիպերտոնիայի հայտնաբերման գործառույթ՝ հիմնված ծրագրային ապահովման վրա։ Ի դեպ, այս գործառույթը կավելացվի նաև 9-րդ և 10-րդ սերնդի iWatch մոդելներում։ Մարտկոցն ապահովում է 24 ժամ աշխատանք։  Նորույթն առաջարկում է 42 և 46 մմ տարբերակներ։

Apple Watch Ultra 3-ում ներդրվել է Liquid Glass ինտերֆեյս։ Առկա է 5G կապ, արագ լիցքավորման գործատույթ, always on display էկրան։ Արդեն ունեք նաև արբանյակային կապի հնարավորություն։ Մոդելի ափսերը՝ 49մմ։

Apple Watch SE 3-ն ավելի բյուջետային մոդել է՝Always On Display գործառույթով, Liquid Glass ինտերֆեյսով։ Առկա են 40 և 44 մմ չափսերով տարբերակներ։

Apple ականջակալները ևս նոր ասելիք ունեն

Հերթական նորույթը՝ AirPods Pro 3-ը, նոր՝ բարելավված փորձառություն է խոստանում․ մարտկոցի երկարացված աշխատանք, առողջությանը հետևելու նոր սենսորներ, բարելավված ձայն և նոր դիզայն։ Ակտիվ աղմուկի չեղարկման համակարգն, արդեն,լ ավելի արդյունավետ է դարձել։

Apple նորույթները փնտրեք AllSell վաճառասրահներում՝ սեպտեմբերի 19-ից։